काठमाडौं : नेकपा एमालेका अध्यक्ष केपीशर्मा ओलीले पार्टीको घोषणापत्रमा बहस गर्न चुनौती दिएका छन् ।
बिहीबार आयोजित पार्टी प्रवेश कार्यक्रममा उनले नेपाली कांग्रेसका महामन्त्री गगन थापालाई एमालेको घोषणापत्रका विरुद्ध बहसमा आउन चुनौती दिएका हुन् ।
ओलीले मंगलबारको एक कार्यक्रममा कांग्रेसको घोषणापत्रको आलोचना गरेको थिए । त्यसपछि त्यसको जवाफमा थापाले आफू ट्युसन पढाउने जावफ दिएका थिए ।
सोही जवाफबारे ओलीले चुनौती दिँदै भने,“ एमालेले जारी गरेको घोषणापत्र र स्थानीय तहको प्रतिबद्धता विरुद्धको बहसमा उत्रिन कोही चाहन्छ भने हामी स्वागत गर्छौं । बहसमा आउनुस् । नेकपा एमालेको घोषणापत्रको सन्दर्भमा बहसमा उत्रिन कोही ट्युसन क्लास पढाउन तयार छौं भन्नेहरु तयार छन् भने हाम्रा लागि त्यो ठूलो कुरा भएन । भर्खर–भर्खर पास गरेको भाइबहिनीहरु थुप्रा छन् । ट्युसन क्लासवालाहरुसँग मुकाबिला गर्ने । हामी भिडाइदिउँला ।”
खुल्ला प्रेस । १५ बैशाख २०७९, बिहीबार २०:२८