दैलेखः राष्ट्रिय स्वतन्त्र पार्टी (रास्वपा) ले मंसिर १६ गते हुने उपनिर्वाचनका लागि दैलेखको महाबु गाउँपालिकाको अध्यक्ष पदका लागि उम्मेदवार टुंग्याएको छ। रास्वपाको जिल्ला समिति बैठकले पार्टीको तर्फबाट प्रकाश बुढालाई उम्मेदवार बनाउने निर्णय गरेको हो।
जेसीस दैलेखका अध्यक्ष रहेका बुढालाई रास्वपाले सर्वसम्मत रुपमा अध्यक्षको उम्मेदवार बनाएको हो। पार्टीले दैलेखकै दुल्लु नगरपालिका–१३ को वडाध्यक्ष पदको उम्मेदवार रामबहादुर शाहीलाई बनाएको छ।
उपनिर्वाचनका लागि महावु गाउपालिका अध्यक्ष पदका लागि नेपाली काँग्रेसबाट झलकबहादुर भण्डारी, नेकपा माओवादी केन्द्रबाट जङ्गबहादुर रावल अध्यक्षा पदका उम्मेदवार छन्। नेकपा एमाले, एकीकृत समाजवादी लगायत दलले भने उम्मेदवार टुंगो लगाईसकेका छैनन्।
खुल्ला प्रेस । २९ कार्तिक २०८१, बिहीबार ०७:४६