काठमाडौं : विद्यालयमा पढाउने शिक्षकहरूले बहुविवाह गर्न नपाइने व्यवस्था गरिएको छ। बुधबार संसदमा दर्ता भएको विद्यालय शिक्षासम्बन्धी विधेयकमा उक्त व्यवस्था राखिएको हो।
विधेयकमा उल्लेख छ,‘शिक्षकले बहुबिवाह गर्न हुँदैन। ’यस्तै,विधेयकमा शिक्षकले विद्यार्थी र अरू कसैप्रति यौनजन्य दुर्व्यवहार गर्नु नहुने,विद्यार्थीलाई कुटपिट गर्न र कसैलाई पनि शारीरिक वा मानसिक यातना दिन नपाइने व्यवस्था गरिएको छ।
शिक्षकले प्रचलित कानून बमोजिम तोकिएको अवधिभित्र सम्बन्धित स्थानीय तहमा आफ्नो सम्पत्तिको विवरण पेस गर्नुपर्नेछ र स्थानीय तहले त्यस्तो विवरण राष्ट्रिय किताबखाना (शिक्षक) मा पठाउनुपर्ने पनि व्यवस्था छ।
खुल्ला प्रेस । २७ भाद्र २०८०, बुधबार १३:३२