काठमाडौँ : सत्ता गठबन्धनमा १०० सिटको दाबी गरेको काँग्रेसले ८६ सिटमा चित्त बुझाउने सङ्केत गरेको छ ।
प्रधानमन्त्रीसमेत रहेका काँग्रेस सभापति शेरबहादुर देउवाले काँग्रेसलाई ८६ सिट राखेर चुनाव लड्ने तयारी गर्न कार्यदललाई निर्देशन दिएको एक नेताले बताए ।
साथै काँग्रेसले लोसपाका अध्यक्ष महन्थ ठाकुर र वरिष्ठ नेता राजेन्द्र महतोलाई पनि जिताउने तयारी गरेको छ । सभापति देउवाले लोसपाका दुई नेताले जिताउनुपर्ने बताएको ती नेताले बताए । “हामी ८६ सिटमा लड्नुपर्छ । महन्थ र राजेन्द्रलाई जिताउन दुई सिट राख्नुपर्छ,” देउवाको भनाइ उद्धृत गर्दै ती नेताले भने ।
तर, पार्टीमा इतर समूह भने सय सिटबाट तल झर्न नहुने अडानमा छ । अन्य दललाई छाड्नै परे पनि कम्तीमा ९४ सिट काँग्रेसले पाउनुपर्ने इतर समूहको अडान रहेको ती नेताले बताए ।
खुल्ला प्रेस । १६ भाद्र २०७९, बिहीबार २०:११