दैलेखः दैलेखको भगवतीमाई गाउँपालिकाले समयमै कार्यसम्पन्न गरी भुक्तानीका लागि रित पूर्वक कागजात पेश गर्न भन्दै सूचना जारी गरेको छ ।
गाउँपालिकाले चालु आर्थिक बर्षमा सञ्चालित सम्पूर्ण योजना तथा कार्यक्रमहरुको २०७९ असार १५ गतेभित्र कार्य सम्पन्न गरी भुक्तानीका लागि रित पूर्वक कागजात पेश गर्न अनुरोध गरेको हो ।
गाउँपालिकाका नि. प्रमुख प्रशासकीय अधिकृत टोप बहादुर बुढा र आर्थिक प्रशासन शाखा प्रमुख रतिमान बुढाकाे हस्ताक्षरित सूचनामा निर्धारित मिति भन्दा पछि पेश हुन आएका कागजातहरुको भुक्तानीका लागि कुनै कारबाही अघि नबढि भुक्तानी हुन नसकेमा सरोकारवाला स्वंयम जिम्मेवार हुनुपर्ने उल्लेख छ ।
बाध्यकारी कानूनी व्यवस्था परिपालना गर्नुपर्ने भएकाले तोकिएको समय सिमाभित्र रित पूर्वक कागजात पेश हुन नआएमा सरोकारवाला स्वंयम जिम्मेवार हुने आर्थिक प्रशासन शाखा प्रमुख रतिमान बुढाले बताए ।
खुल्ला प्रेस । ३० जेष्ठ २०७९, सोमबार २१:५७