दैलेख: विश्व पानी दिवसको अवसरमा शनिवार दैलेखका विभिन्न कार्यक्रम गरी विश्व पानी दिवस मनाइएको छ । सोही अवसरमा दैलेखका विभिन्न पालिकाहरूमा विश्व पानी दिवस कार्यक्रम मनाइएको हो । पानी दिवसको अवसरमा दैलेखको भगवतीमाईमा समुदायसँग पानी विशेष अन्तरक्रियात्मक कार्यक्रम गरिएको छ ।
‘शान्तिका लागि पानी’ भन्ने नाराका साथ भगवतीमाई गाउँपालिका बास इकाई वेस्तडाको आयोजनामा भगवतीमाई गाउँपालिका वडा नम्बर ४ को भगवती माध्यमिक विद्यालय घुम्नेमा कार्यक्रम गरिएको सुस्वा आयोजनाका वास संयोजक चक्र भण्डारीले जानकारी दिए । उनले दिएको जानकारी अनुसार दैनिक प्रयोग गर्ने खानेपानीको शुद्धता उपलब्धता पानीका स्रोतहरू, पानीका मूलहरू रिचार्ज, मूल नजिकका रुखहरू फडानी, र पानीले भविष्यमा ल्याउन सक्ने सङ्कटका विषयमा सहभागीहरुलाई जानकारी गरिएको थियो ।
बेस्तडा बृहत् खानेपानी योजनाको खानेपानी मुहान देखी धारा सम्मको अवस्था अवलोकन गरी देखिएका समस्याहरू सहभागीहरूले पहिचान र समाधानका लागी तत्काल समाधान गर्ने समितिका अध्यक्ष राम बहादुर थापाले प्रतिबद्धता व्यक्त गरेका छन् ।
खुल्ला प्रेस । ८ चैत्र २०८१, शनिबार २०:४२