काठमाडौंँ : नेपाली कांग्रेसको १५औँ महाधिवेशनबाट आदिवासी जनजाति (महिला तर्फ) केन्द्रीय सदस्यमा पुनः निर्वाचित सीता कुमारी रानाले पद तथा गोपनीयताको शपथ लिएकी छन् ।
कार्तिक १२ गते बिहीबार पार्टीको केन्द्रीय कार्यालय सानेपामा आयोजित विशेष समारोहमा नवनिर्वाचित केन्द्रीय पदाधिकारी तथा सदस्यहरूसँगै उनले पनि शपथ लिएकी हुन् ।
निर्वाचन समितिमार्फत प्रमाणपत्र ग्रहण गरेपछि रानाले देश र जनताको पक्षमा इमानदारीपूर्वक काम गर्ने अठोट व्यक्त गरीन् ।
शपथ ग्रहणपछि कुरा गर्दै नेतृ रानाले कर्णाली लगायत देशभरिका भौगोलिक विकटता र गरिबीका कारण अवसरबाट वञ्चित आदिवासी जनजाति समुदायको शिक्षा, स्वास्थ्य र राज्यका सेवासुविधामा पहुँच विस्तार गर्ने मुख्य एजेन्डा रहेको बताइन् ।
उनले जनताको विश्वासलाई व्यवहारमा उतार्दै राज्यमा सुशासन, समावेशी विकास र न्यायपूर्ण समाज निर्माणका लागि आफ्नो कार्यकाल पूर्ण रूपमा समर्पित हुने प्रतिबद्धता जनाइन् । दैलेखबाट पहिलो केन्द्रीय सदस्य भैसकी राना दोस्रो पटक पनि निर्वाचित भएकी छन् ।
खुल्ला प्रेस । १४ कार्तिक २०८३, शुक्रबार ०९:२५