दैलेखः बाताबरण सुधार बहुउद्देश्यीय सहकारी संस्था लि. दुल्लु सेवा केन्द्रले २१ औं बार्षिक साधारण सभा आइतबार सम्पन्न गरेको छ ।
दुल्लु नगरपालिकाका उप प्रमुख विना कार्कीकाे प्रमुख आतिथ्यतामा साधारणसभा सम्पन्न गरिएकाे हाे ।
साधारणसभा मा बाेल्दै उप प्रमुख कार्कीले सहकारीले समुदायमा रहेका महिलाहरुकाे बचत गर्ने बानीकाे बिकास गर्दै आयमुलक कार्यक्रममा सहयोग गरेकाे प्रति धन्यवाद समेत दिएकी छन् ।
साधारण सभामा वडा नं ७ का वडा अध्यक्ष कविराज रावत लेखा समिति संयाेजक हेमलाल पन्त बरिष्ठ प्रबन्धक किरण बस्नेत, उप समिति संयाेजक शाेभा कुमारी बि.सी. एवं सेवा केन्द्र प्रमुख हरिकृष्ण वलिकाे सहभागीता रहेकाे थियाे । बार्षिक साधारण सभा कार्यक्रम सागर खड्काले सञ्चालन गरेका थिए ।
संस्थाका अध्यक्ष चन्द्रलाल आचार्यकाे अध्यक्षतामा कार्यक्रम सम्पन्न भएको सहकारीका कर्मचारी रमेश बिकले जानकारी दिए ।
खुल्ला प्रेस । ७ आश्विन २०८०, आईतवार २०:१९