दैलेख: जिल्लाको दुल्लु नगरपालिका वडा नं. ११ का किसानको धानबालिमा रोग किराको प्रकोप भएपछि रोग किरालाई नियन्त्रण तथा व्यवस्थापन गर्न विषादी वितरण गरिएको छ ।
बर्सातको समयमा लगायको अधिकांश किसानको धानबालिमा रोग किराले क्षति पुर्यायपछि त्यहाँका १०० किसानलाई किटनाशक विषादी वितरण गरिएको हो ।
मंगलबार कृषि विकास कार्यालय दैलेखको आर्थिक सहयोग तथा दुल्लु नगरपालिकाको सहकार्य,समन्वय र सिप्रेड नेपालको प्राविधिक सहयोगमा किसानलाई किटनाशक विषादी बितरण गरिएको दुल्लु शाखाका कृषि प्राविधिक राजन विष्टले जानकारी दिए ।
दुल्लु नगरपालिका वडा नं.११ का वडा अध्यक्ष सुरेन्द्रजंग भण्डारीको अध्यक्षतामा भएको कार्यक्रममा कृषि विकास कार्यालय दैलेखका कार्यालय प्रमुख दशरथ पाण्डे प्रमुख अतिथि थिए । विशेष अतिथिकाे रूपमा सिप्रेड नेपालका चक्र राइ थिए , बिभिन्न नागरिकहरूकाे सहभागितामा दुल्लु नगरपालिका वडा नं. ११ का १०० जना कृषकलाई किटनाशक र रोगनाशक विषादी वितरण गरिएको छ । किसानलाई राइस हिस्पा,टर्माइट रोगमा ब्लाष्ट ब्याक्टेरियल लिफ व्लाइटले नाेक्सानी पुर्याएकाे थियाे ।
खुल्ला प्रेस । २३ श्रावण २०८०, मंगलवार २१:३४