दैलेख: बढदै गएको भ्रष्टाचार नियन्त्रण गर्न प्रधानमन्त्रीलाई बास नेपाल दैलेख शाखाले ज्ञापन पत्र बुझाएको छ । विहिबार एक कार्यक्रका विच दैलेख शाखाले दैलेखका प्रमुख जिल्ला अधिकारी गोगन बहादुर हमाललाई ज्ञापनपत्र बुझाएको हो ।
भ्रष्ट्राचार रोक्न भन्दै जिल्ला प्रशासन मार्फत प्रधानमन्धी पुष्पकमल दाहाल‘प्रचण्ड’लाई ज्ञापन पत्र बुझाईएको छ । प्रमुख जिल्ला अधिकारीको कार्यकक्षमा नै भ्रष्ट्रचार नियन्त्रण गर्न ध्यानाकर्षण सहित १० बुदे ज्ञापनपत्र बुझाएको बास नेपाल दैलेखका अध्यक्ष हिक्मत बुढाले बताए ।
प्रमुख जिल्ला अधिकारीलाई ज्ञापन पत्र बुझाउनु अघि ज्ञापन पत्र बासका सदस्य जंग बोगटीले पढेर सुनाएका थिए । बास नेपाल केन्द्रिय कार्यालयको परिपत्र अनुसार दैलेख शाखाले पनि ज्ञापन पत्र बुझाएको छ, बास नेपालले विहिबार नै ७७ जिल्ला मार्फत प्रधानमन्त्रीलाई ज्ञापन पत्र बुझाउने कार्यक्रम रहेको जनाएको छ ।
यस्तो छ ज्ञापनपत्र
मिति ः २०८० बैशाख ४ गते
सम्माननीय प्रधानमन्त्रीज्यू
सिंहदरवार, काठमाण्डौं
मार्फत
श्री प्रमुख जिल्ला अधिकारी ज्यू
जिल्ला प्रशासन कार्यालय, दैलेख ।
बिषयः भ्रष्टाचार बिरुद्ध ज्ञापन पत्र सम्वन्धमा ।
भ्रष्टाचार सामाजिक अपराध हो । भ्रष्टाचारले लोकतान्त्रिक मूल्य, मान्यता, नैतिकता, न्याय, कानुनी शासनका साथै देशको अर्थतन्त्रलाई कमजोर तुल्याउछ । हाल मुलुक भ्रष्टाचारबाट मुलुक आक्रान्त छ ।
भ्रष्टाचारको कुनै राजनीतिक र भौगोलिक सीमा नहुने हुनाले यसको नियन्त्रणका लागि राष्ट्रिय र अन्तराष्ट्रिय साझा प्रयासको महसुस गरी भ्रष्टाचार विरुद्धको महासन्धि संयुक्त राष्ट्रसंघको महासभाले २००३ मा पारित गरिसकेको छ । उक्त महासन्धिमा विश्वका १४० भन्दाबढि देशले हस्ताक्षर गरेकाछन् । उक्त महासन्धिको नेपाल पक्ष राष्ट्र हो ।
यस पृष्ठभूमिमा नेपाल बढि भ्रष्टाचार हुने देशको रुपमा बिश्व मानचित्रमा बद्नाम छ । ट्रान्सपरेन्सी इन्टरनेसनलले हरेक बर्ष प्रकाशन गर्ने ऋयचचगउतष्यल एभचअभउतष्यल क्ष्लमभह( द्दण्द्दद्द भ्रष्टाचार अवधारणा सुचाँकमा नेपाल १०० मा ३४ अंकप्राप्त गरी ११०औं स्थानमा रहेको छ । यस बाट नैं नेपालमा व्याप्त भ्रष्टाचारको अवस्था उजागर हुन्छ ।
देशमा भ्रष्टाचार संस्थागत रुपमा बिकास भईरहेकोछ, भ्रष्टाचार यत्र, तत्र सर्बत्र छ । यहि पृष्ठभूमिमा बिगतमा कैयौं भ्रष्टाचारका काण्डहरु घटे, ती काण्डहरुका दोषीलाई कार्वाही नगरेरै काण्डहरुलाई गुपचुप बनाईयो । अहिले देशको छबिलाईनैं धुमिल गराउने गरी नेपाली नागरिकलाई भुटानी शरणार्थी बनाई संयुक्त राज्य अमेरिका पठाउनका लागि भएको राज्यशक्तिको दुरुपयोगबाट बिश्वमा बद्नाम हुने स्थिति सृजना भएको छ । व्यक्तिगत स्वार्थका लागि नेपाली नागरिकलाई बेच्ने कार्य घृणित र देशद्रोही काम भएको आम नागरिकको बुझाई रहेको छ । यस अपराधमा संलग्न कोही, कसैलाई पनि कुनै पनि बाहनामा नछाड्न नागरिक समाजका तर्फबाट खवरदारी गर्दछौं । यस प्रकरणमा बहालवाला गृह सचिव, पूर्ब गृह मन्त्री, पूर्ब उप–प्रधानमन्त्री लगायतका हाई प्रोफाईल व्यक्तिहरुलाई पक्राउ गरी सरकारले भ्रष्टाचारबाट आजित आमनागरिकहरुमा आशाको सञ्चार गराएकोछ । यस कार्यको हामी स्वागतगर्दछौं । तर,बिगतमा ठूला, ठूला भ्रष्टाचारका काण्डहरु छानविननै नभई सेलाएर जाने, अन्ततः राजनीतिक संरक्षणमा उन्मुक्तिदिने गरेका दृष्टान्तहरु जस्तै यो प्रकरण पनि हात्ति आयो हात्ति आयो फुस्सा नहोस् ।
यस प्रकरणमा मुछिएका सम्पुर्ण व्यक्तिहरुलाई तत्काल पक्राउ गरी निष्पक्ष छानविन गर्न नेपाल सरकारसँग जोडदार माग गर्दछौं । अन्त्यमा भ्रष्टाचार बिरुद्ध तत्काल तपसिल बमोजिमका पहल थाल्न नागरिक समाजका तर्फबाट आग्रह गर्दछौं ।
१) भ्रष्टाचार विरुद्धको प्रभावकारी उत्तम अभ्यासको विकास र प्रवद्र्धनमा जोड दिईयोस् ।
२) भ्रष्टाचार विरुद्धका संयन्त्रको क्षमता तथा प्रभावकारिता अभिवृद्धि गरियोस् ।
३) राजनीतिक दलहरुलाई पारदर्शि बनाउने व्यवस्था गरियोस् ।
४) सरकारको काम कारबाहीको सार्वजनिक सूचनाप्रवाह र काममा पारदर्शिता कायम गरियोस् ।
५) कार्यपालिका, व्यवस्थापिका र न्यायपालिकामा व्याप्त भ्रष्टाचारको नियन्त्रण गरियोस् ।
६) भ्रष्टाचार विरुद्धको अयिभानमा अन्तर्राष्ट्रिय सहयोग अभिवद्धि गरियोस् ।
७) नेपाल सरकारको सुशासन कार्ययोजना, भ्रष्टाचार विरुद्धको राष्ट्रिय रणनीति तथा कार्ययोजना,भ्रष्टाचारविरुद्धको संयुक्त राष्ट्रसंघिय महासन्धी कार्यान्वयन सम्बन्धी राष्ट्रिय रणनीति तथा कार्ययोजना कार्यान्वयन गरियोस् ।
८) अख्तियार दुरुपयोग अनुसन्धान आयोगको संस्थागत बिकास गरियोस् ।
९) भ्रष्टाचार बिरुद्ध शुन्य सहनशीलताको रणनीति अवलम्वन गरियोस् ।
१०) राष्ट्रिय सर्तकता केन्द्र, हेलो सरकारलाई प्रभावकारी बनाईयोस् ।
…………….
हिक्मत बुढा
बास नेपाल
दैलेख जिल्ला शाखा
खुल्ला प्रेस । ४ जेष्ठ २०८०, बिहीबार १७:५६