दैलेख: पेशागत महासंघ नेपालको प्रथम गाउँपालिका अधिवेशन सम्पन्न भएको छ ।
शुक्रवार राष्ट्रिय शिक्षक सङ्गठन भगवतीमाई गाउँपालिका समितिका अध्यक्ष प्रेमबहादुर थापाको अध्यक्षता र पेशागत महासङ्घका जिल्ला अध्यक्ष कृष्ण आचार्यको प्रमुख आतिथ्ययतामा कार्यक्रम सम्पन्न भएको हो । पेशागत महासङ्ग नेपाल भगवतीमाई गाउँपालिका दैलेखको आयोजनामा भएको अधिवेशनबाट १५ सदस्य समिति चयन गरिएको छ ।
‘समृद्ध नेपाल सुखी जीवन,गुणस्तरीय सेवा जिम्मेवार ट्रेड युनियन’ भन्ने नाराका साथ स्थापना भएको पेशागत महासंघ नेपालले भगवतीमाई गाउँपालिकामा सम्पन्न भएको अधिवेशनबाट अध्यक्षमा रामबहादुर थापा सहित १५ सदस्यीय समिति बनाएको छ ।
समितिको अध्यक्ष रामबहादुर थापा, उपाध्यक्षमा सर्जन गुरुङ र महालक्ष्मी अधिकारी, कोषाध्यक्षमा खड्काबहादुर विश्वकर्मा, सचिवमा खगेन्द्र प्रसाद अधिकारी, सह–सचिवमा गगन बहादुर सिंहलाई चयन गरिएको पेशागत महासंघ भगवतीमाई गाउँपालिकाका अध्यक्षले जानकारी दिए ।
खुल्ला प्रेस । ७ आश्विन २०७९, शुक्रबार १९:३७