दैलेखः ‘राष्ट्रका लागि खेलकुद स्वास्थ्यका लागि खेलकुद’ भन्ने मुल नाराका साथ दैलेखको आठविस नगरपालिकाको राकमकर्णालीमा प्रथम आठविस यूथ कप २०७९ संचालन हुने भएको छ ।
विजया दशमीको अवसर पारेर यही असोज १३ गतेदेखि आठविस यूथको आयोजनमा हुन लागेको यूथ कप २०७९ सुरु हुने भएको हो ।
अन्तरपालिका स्तरिय पुरुष भलिबल तथा त्रिक्रेट खेलहरू सञ्चालन हुने आठविस यूथका खेल संयोजक गणेश खनालले बताए । यही असोज १२ गतेसम्म टिम दर्ता गर्ने मिति रहेको र १३ गतेदेखि खेल सञ्चालन हुने संयोजक खनालले बताए ।
उनका अनुसार भलिबल प्रतियोगितामा प्रथम पुरस्कार ७५ हजार, द्धितिय पुरस्कार ४५ हजार र तृतीय पुरस्कार २५ हजार रहेको छ । त्यस्तै त्रिक्रेट तर्फ प्रथम पुरस्कार ६० हजार र द्धितिय पुरस्कार ३० हजार रहेको संयोजक खनालले बताए ।
सबै क्षेत्रको सानो सानो सहयोग वाट आठविस नगरपालिकामा खेल सञ्चालन गर्न लागेको संयोजक खनालले बताए । वीरेन्द्र शाहीले मुख्य प्रायोजकको रूपमा १ लाख सहयोग खेलमा उत्साह प्रदान गरेको संयोजक खनालको भनाई छ ।
खुल्ला प्रेस । ५ आश्विन २०७९, बुधबार ०७:०७