जाजरकोट: जाजरकोट जिल्लाको कुशे गाउँपालिकाका एक जना वडाध्यक्ष मृत फेला परेका छन्। वडा नम्बर ७ का वडाध्यक्ष मनबहादुर घर्ती शनिबार मृत फेला परेका हुन्।
शुक्रबार राति घरमै सुतेका अध्यक्ष घर्ती शनिबार बिहान मृत अवस्थामा फेला परेको सहायक प्रमुख जिल्ला अधिकारी झलक केसीले बताए।
आफन्तका अनुसार उनी खासै बिरामी थिएनन्। शुक्रबार बेलुका टाउको दुखेको छ भनेर खाना खाएर सुतेका थिए। बिहान किन उठेनन् भनेर कोठामा हेर्न जाँदा उनको मृत्यु भैसकेको बताइएको छ।
मृत्युको कारण खुल्न नसकेपनि हृदयघातका कारण उनको मृत्यु भएको आशंका गरिएको छ। मृतक वडाध्यक्ष घर्ती नेपाल कम्युनिष्ट पार्टी (माओवादी केन्द्र)बाट निर्वाचित भएका थिए।
हाम्राे जानकारी
तपाईहरुसंग कुनै समाचार बन्ने सामाग्री छन् वा तपाईहरु लेख तथा कला साहित्यको रचना गर्नुहुन्छ यदि छन भने हामीलाई पठाउन नभुल्नुहोला हामी प्रथमिकताका साथ प्रकाशन गर्नेछौँ ।
लेख तथा समाचार पठाउने माध्याम :
इमेलः Khullapress@gmail.com,kadhikari006@gmail.com सम्पर्क नं. ९८५८०८८३१०,९८६८९१२२१५
खुल्ला प्रेस । ४ असार २०७९, शनिबार २१:१३