दैलेखःदैलेखको महाबु गाउँपालिकामा नेपाली काँग्रेस विजयी भएको छ। पालिकामा बहुमत सदस्यसहित काँग्रेस विजयी भएको हो। एकीकृत समाजवादी उम्मेदवार निवर्तमान अध्यक्ष जंगबहादुर शाहीलाई काँग्रेसका लक्षमण गुरुङले पराजित गरेका हुन् ।
गुरुङले २ हजार ९७९ मत प्राप्त गरेका छन् । उनका निकटतम प्रतिस्पर्धी मानिएका नेकपा एमालेका हरिप्रसाद उपाध्यायले २ हजार ५१९ मत ल्याएका छन्। एकीकृत समाजवादीका जंगबहादुर शाहीले २ हजार २६८ मत ल्याएका छन्। शाही यसअघि २०७४ मा पालिकाको अध्यक्षमा एमालेबाट निर्वाचित भएका थिए ।
त्यसबेला एमालेबाट निर्वाचित उनी पछिल्लो समय समाजवादीमा गएका हुन् । २०७४ मा एमालेबाटै उपाध्यक्षमा प्रेमकुमारी बुढा निर्वाचित भएकी थिइन्। उपाध्यक्षमा काँग्रेसकी मन्जु पाण्डे निर्वाचित भएका छन्।
पाण्डेले ३ हजार १५५ मत प्राप्त गरेकी छन् । एमालेबाट उम्मेदवार दुर्गा कुमारी सिंहले २ हजार ३०१ मत र नेकपा एकीकृत समाजवादीका पुन्यप्रभा दशौदीले २ हजार १३३ मत ल्याएकी छन्। ६ वडा रहेको महाबु गाउँपालिकामा तीन वडामा काँग्रेस, २ वडामा माओवादी र एक वडामा एमालेले अध्यक्ष जितेका छन्।
खुल्ला प्रेस । २ जेष्ठ २०७९, सोमबार १४:०२