सुर्खेत: नेपाली कांग्रेस सभापतिका लागि तीन जनाको उम्मेदवारी परेको छ। सभापति शेरबहादुर देउवा, विमलेन्द्र निधि र रामचन्द्र पौडेल पक्षबाट तीन जनाले प्रदेश सभापतिमा उम्मेद्वारी दर्ता भएको हो।
प्रदेश सभापतिमा ललितजंग शाही, निधिबाट मोतिराज बम र पौडेल पक्षबाट भुपेन्द्रजंग शाहीले मनोनयन दर्ता गरेका छन्। ललितजंग जुम्ला, मोतिराज र शाही कालिकोटका हुन्।
यसअघि नेपाली कांग्रेस कर्णाली प्रदेश समितिको सभापतिमा लागि ललितजंग शाही र भूपेन्द्रजंग शाहीबीच प्रतिस्पर्धा हुने बताइएको थियो।
सभापति शेरबहादुर देउवा समूहबाट ललितजंग शाही र संस्थापन इतर (रामचन्द्र पौडेल समूह)बाट भूपेन्द्रजंग शाहीलाई उम्मेदवार हुने निश्चित भएको थियो। तर, एकाएक निधि पक्षबाट पनि मोतिराजले उम्मेदवारी दिएका हुन्।
खुल्ला प्रेस । १७ मंसिर २०७८, शुक्रबार २०:२९