कालिकोट ः कालिकोट जिल्लाको महावै गाउँपालिका वडानं–७मा अभिरल बर्षाको कारण घर भत्किएको छ ।
गएरातीको अबिरल बर्षाले वडा नं.७ निवासी विष्णलाल अधिकारीको घर भत्किएको हो। घर भत्किदा घरमा सुतिरहेकी १८ वर्षकी स्मृती अधिकारीको मुत्यु भएको छ, भने १५ वर्षकी ईनिशा अधिकारी घाइते भएकी छिन् ।
वर्षाका कारणले गाउँका १५ घर उच्च जोखिम रहेको र उक्त बस्तीका बासिन्दा राम माध्यमिक बिद्यालयमा राति देखि बस्दै आएको माओवादी केन्द्र का महावै ईन्चार्ज खेम सिंह (भिजन)ले जानकारी दिए ।
यस्तै जिल्लाको शुभकालिका गाउँ पालिका वडा नं ८ को चौकिबजारको खोलामा पहिरो आएको छ। पहिरोले चौकिबजार उच्च जोखिममा रहेको नन्दा महताराले जानकारी दिएकी छिन् । उनका अनुसार सोहि ठाउँको पोरिवाडामा पहिरोले सग्राम बिकको घर पुरिदा घरमा रहेको सबै सामान लत्ताकपडा पुरिएको छ ।
लगातारको बर्षाले कर्णाली नदिको बहाक पनि बढेको छ।जिल्लाका धेरै ठाउँमा ठुलो पहिरो गएको जिल्ला प्रहरी कार्यालय कालिकोटले जनाएको छ।
खुल्ला प्रेस । २ कार्तिक २०७८, मंगलवार ११:३६