दैलेखः जिल्लाको भगवतीमाई गाउँपालिका वडा नम्बर ३ मा वडा स्तरीय भलिबल प्रतियोगिता हुने भएको छ ।
भगवतीमाई गाउँपालिका वडा नम्बर ३ को आयोजना र खेलकुद विकास समिति भगवतिमाई गाउँपालिका वडा नम्बर ३ को सहजिकरणमा असोज १५,१६र१७ गते भलिबल प्रतियोगिता हुन लागेको भगवतीमाई गाउँपालिका वडा नं. ३ का वडा सचिव ज्वाला रेग्मीले जानकारी दिएकी छन् ।
रेग्मीले दिएको जानकारी अनुसार वडाको आयोजनामा हुन लागेको तिन दिनसम्म चल्ने प्रतियोगितामा प्रथम पुरस्कार २५ हजार रुपैयाँ नगद कप, मेडल र प्रमाणपत्र, दितिय पुरस्कार २० हजार रुपैयाँ नगद कप, मेडल र प्रमाणपत्र, तृतीय पुरस्कार १५ हजार नगद कप, मेडल र प्रमाणपत्र रहेको वडा कार्यालयले जानकारी दिएको छ ।
भगवतीमाई गाउँपालिका भित्रका ७ वटा वडाहरूबाट खेलाडीहरु सहभागी हुने छन् । सहभागी खेलाडीहरूले टिम दर्ता गर्दा २ हजार रुपैयाँ लाग्ने आयोजकले जनाएको छ ।
खुल्ला प्रेस । ३ आश्विन २०७९, सोमबार ०९:३५