दैलेख : नेकपा एमाले दैलेखको सातौ जिल्ला अधिबेशनमा प्रतिनिधि छनोट गर्दा जनबर्गिय संगठन लाई पार्टी जिल्ला नेतृत्वले बेवास्ता गर्दा जन संगठनहरुले बिरोध जनाएका छ्न् । पार्टीको दसौ महाधिवेशनमा केन्द्रिय पार्टीले हरेक जन संगठन हरुलाइ पाच जना प्रतिनिधि बनाएको र पालिका अधिबेशनमा पार्टीले संख्या नै तोकेर प्रतिनिधिमा समावेश गरेको तर जिल्ला अधिबेशनमा जनबर्गिय संगठन लाई बेवास्ता गर्दा जनबर्गिय सगठनका नेता कार्यक्रताहरुले सामाजिक संन्जाल बाटै बिरोध जनाएका छन ।
युवा सघ नेपाल दैलेख का उपा-अध्यक्ष सरोज शर्मा ओलीले सामाजिक संजाल फेसबुक मार्फत असन्तुष्टि ब्यक्त गरेका छन् । उनले लेखे, ‘जिल्ला नेतृत्वले जनसंगठनहरु लाई प्रतिनिधि नदिनु खेदजनक छ । अधिवेशन र कार्यक्रमहरु गर्दा मात्रै स्वयंसेवक गर्न लाई युवा विद्यार्थी चाहिने पार्टी लाई, अनि पार्टीका फोरमहरुमा युवा विद्यार्थीहरु लाइ सहभागीता निषेध गर्नु पार्टी हित बिपरित छ ।’
उनले भनेका छन, ‘यस्ता खाले निर्णयले पार्टी प्रती युवाको आस्था बढ्ने होइन झन झन निरुत्साहित बनाउने काम गर्छ । जिल्ला नेतृत्वले छिटोभन्दा छिटो जनसंगठन लाई उचित निर्णय गरेर जिल्ला अधिवेशनमा सहभागी गराइदिन पार्टी नेतृत्वको ध्यानाकर्षण गराउदछु ।’ उनले यसरी असन्तुष्टि ब्यक्त गरेका छन् । यो निर्णय बारेमा यतिबेला सामाजिक संजालमा ब्यापक युवाहरुको बिरोध भैरहेको छ।
खुल्ला प्रेस । १६ पुष २०७८, शुक्रबार १७:४२