दैलेख : अमेरिकी सहयोग निकाय मिलेनियम च्यालेन्ज कर्पोरेसन (एमसीसी) को विरुद्ध दैलेखमा प्रदर्शन भएको छ । शुक्रवार दैलेख जिल्ला सदरमुकाममा प्रर्दशन गरिएको हो । नेपाल मजदुर किसान पार्टी जिल्ला कार्य समिती दैलेखको आयोजनामा एमसीसी विरुद्ध प्रर्दशन भएको हो ।
पार्टीका नेता तथा कार्यकर्ताहरुले स्थानीय टुडिखेलदेखि गणेशचोकसम्म ¥याली निकालेका थिए । प्रर्दशनपछि स्थानीय देवकोटा चोकमा कोण सभा गरिएको थियो । देशघाती एमसीसी सम्झौता र पेट्रोलियम पदार्थको मुल्यबुद्धि विरुद्ध जुलुस तथा सभा आयोजना गरेको नेपाल मजदुर किसान पार्टी दैलेखले जनाएको छ ।
प्रर्दशनका क्रममा उनिहरुले नेपाल सरकार र अमेरिकाबीच भएको एमसीसी सम्झौता खारेज हुनुपर्ने, पेट्रोलियम पदार्थको मुल्यबुद्धि फिर्ता लिनुपर्ने लगाएतका माग गरेका थिए ।
खुल्ला प्रेस । ३ मंसिर २०७८, शुक्रबार १९:३७