दैलेख ः दैलेखका सबै वडामा नेकपा एमालेको नेतृत्व चयन भएको छ । दैलेखले ११ पालिकाका ९० वडामा एकैदिन वडा अधिवेशन सम्पन्न गरेको छ ।
सबै वडामा उत्साहका साथ अधिवेशन सम्पन्न भएको र अधिकांश वडाहरूमा सर्वसम्मत नेतृत्व चयन भएको नेकपा एमाले दैलेखका अध्यक्ष एवं प्रतिनिधिसभाका सदस्य रवीन्द्रराज शर्माले जानकारी दिए । पार्टीले ९० वटै वडामा निर्वाचनका लागि प्रतिनिधिहरू खटाएको थियो ।
शर्माका अनुसार दैलेखबाट १२ हजार संगठित सदस्यहरूले दैलेखको एमालेमा आबद्धताका लागि प्रक्रिया बढाएको र सोहीअनुसार वडा अधिवेशनहरू सम्पन्न भएको शर्माको भनाई छ । गत २०७४ को निर्वाचनमा करिब ६ हजार संगठित सदस्यता रहेको नेकपा एमालेमा १२ हजार संगठित सदस्यता पुगेपछि पार्टी विभाजनको कुनै पनि असर दैलेख एमालेमा नपरेको शर्माको भनाइ छ ।
‘सबै पालिकामा निर्वाचनलाई सफल पार्न गएका प्रतिनिधिहरूले सर्वसम्मत नेतृत्व चयन भएको जानकारी आएको छ । करिब ४० भन्दा बढी वडाहरूमा सर्वसम्मत नेतृत्व चयन भइसकेको र शनिबारसम्म सबै विवरण प्राप्त हुनेछ ।
यि हुन नारायण नगरपालिकाका वडा कमिटिका अध्यक्ष
अध्यक्ष ः यामराज कोइराला वडा नं. १
अध्यक्ष ः गणेश बहादुर थापा वडा नं. २
अध्यक्ष ःलक्ष्मीप्रसाद पाण्डे वडा नं. ३
अध्यक्ष ः बिरबहादुर कटुवाल वडा नं. ४
अध्यक्ष ः एमान सि थापा वडा नं. ५
अध्यक्ष ः धर्मराज उपाध्याय वडा नं. ६
अध्यक्ष ः खड्ग बहादुर शाही वडा नं. ७
अध्यक्ष ः गोपाल कुमार विसी वडा नं. ८
अध्यक्ष ः ढालबहादुर थापा वडा न.ं ९
अध्यक्ष ः बलबहादुर गुरुङ वडा नं. १०
अध्यक्ष ः टंक बहादुर बिष्ट वडा नं. ११
खुल्ला प्रेस । १२ कार्तिक २०७८, शुक्रबार २०:११