दैलेख: दुल्लु नगरपालिकाले गर्भवती महिलाहरूलाई हात हातमा झण्डा र अण्डा वितरण गरेको छ ।
नगरपालिका भित्रका गर्भवती महिलाहरूलाई पोषणमा सहयोग पु¥याउन दुल्लु नगरपालिकाले महिलाहरूको घरमा झण्डा र हातमा अण्डा भन्ने मनसायले उनीहरूलाई झण्डा र अण्डा वितरण गरेको हो ।
बिहीबार दुल्लु नगरपालिका वडा नं.४,६,७,८ का ३५ जना आमाहरूलाई बहु क्षेत्रीय पोषणमा सुधार गर्न र उनिहरुलाई यस प्रति चेतना जगाउनको लागि ४५० का दरले अण्डा वितरण गरिएको दुल्लु नगरपालिका वडा नं. ७ का वडा अध्यक्ष लाल बहादुर रावतले जानकारी दिए । उनले भने यस्ता महिलाहरूको घर पहिचान र पोषणमा सुधार गर्नको लागि झण्डा र अण्डा वितरण गरिएको हो । नगरपालिकाको आर्थिक सहयोग नगरपालिका भित्रका गर्भवती महिलाहरूलाई पोषणमा सुधार गर्ने कार्यक्रम अनुसार यो कार्यक्रम गरिएको दुल्लु नगरपालिकाले जनाएको छ ।
खुल्ला प्रेस । १३ फाल्गुन २०७८, शुक्रबार ०८:२९